الرئيسيةس .و .جبحـثالأعضاءالمجموعاتالتسجيلدخول

شاطر | 
 

 ليش زعلانة(باللهجة اللبنانية)

اذهب الى الأسفل 
كاتب الموضوعرسالة
حسن إ.رمضان


avatar

ذكر
عدد الرسائل : 10
العمر : 63
الموقع : مفردات حسن إبراهيم رمضان
مزاجك :
اعلام الدول :
sms :



My SMS
لا تنسوا تشاركوا معنا


تاريخ التسجيل : 13/11/2008

مُساهمةموضوع: ليش زعلانة(باللهجة اللبنانية)   الأربعاء نوفمبر 19, 2008 1:42 pm

ليش زعلانة؟


ليش زعلانة؟
يا بسمة العمر الشَّقي
ليش ذبلانة؟
مين الْ..زعّلِكْ؟
مين ال..ذبّلِكْ؟
يا عيون نعسانة
يِمْكِنْ أنا تْأخَّرْتْ
والله أنا معذورْ
بْحَقِّكْ أنا قصّرْتْ
كان الغيابْ شهورْ
كِنْتْ بالوادي
عم بُحرْسْ بلادي
لو تِسْألي العصفورْ
ابْعَتِّلِّكْ خبرْ
لا تقلقي عليي
بُكرا أنا جايي
يا نور عينيي
لو تسألي العصفورْ
لو كِنتْ مِستشهِدْ؟
أعطوكِ خبرْ
تاتزيّني الساحاتْ
وترفعي الرّاياتْ
ليش زعلانة؟
ليش ذبلانة؟
ما عادْ بدّي شوفْ
نظرة أسى ودموعْ
وين هالضحكة؟
هيكْ عم تبكي؟
أنتِ اللي عم تبكي؟
بتتذكّري؟
رفقاتنا بالحيّ
وأنتِ وأنا
كِنّا بوقتِ الهمّ
نسمعْ أحاديثِكْ
نسمعْ نِكَتْ
نسمعْ حْكاياتْ بِتْضَحِّكْ
تقوليلنا:
ليش البِكي؟
ليش الحزن؟
يالله افرحوا
يالله اضحكوا
نضحكْ وننسى همومنا
والسِّرّْ كِلْماتِكْ
أنتِ اللي عم تِبكي؟
كيف رحْ صَدِّقْ؟
وين بسْماتِكْ؟
يالله اضحكي
اشتقنا لضحكاتِكْ
ما عاد بدّي شوفْ
هالشمسْ تعبانة
ولا عاد بدّي شوفْ
هالعينْ ذبلانة
راح اللي راحْ
والعمرْ كِلّو جْراحْ
إنسي الحزن والغمّ
تا تخلصي من الهمّ
ونعيشْ بالأفراحْ
الفرح جايي
ايه ايه ايه
الفرح جايي
والنصر جايي
والخبرْ سوّاحْ
الزّعلْ ما بيفيدْ
بيمْنَعْ التجديدْ
وبيمنعْ علينا الفرحْ
وبيمنعْ علينا العِيدْ
ما عادْ بدّي شوفْ
هالشمسْ زعلانة
وما عادْ بدّي شوفْ
وردة حياتي كْتيرْ ذبلانة
يالله اضْحكي
مات الصّمتْ
عاشْ الحَكي
يِلعنْ أبو الأحزانْ
ويِلعنْ أبو أمّ البِكي

**********
سامحونا...................حسن رمضان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mofradat.ahlamontada.net
 
ليش زعلانة(باللهجة اللبنانية)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ::..+..:: لـــــــسعه شقاوهـ للقصائد وعذب الكلام::..+..:: :: ...منتدى الخواطر ...-
انتقل الى: